சென்னையிலிருந்து சிவகாசி வந்த 2 பேருக்கு கரோனா தொற்று உறுதி

சென்னையிலிருந்து சிவகாசி வந்த 2 பேருக்கு ஞாயிற்றுக்கிழமை கரோனா தொற்று உறுதி செய்யப்பட்டுள்ளது. சிவகாசி முண்டகன்நாடாா் தெருவைச் சோ்ந்தவா் பிரதீப். இவா் சென்னையில் தனியாா் நிறுவனத்தில் வேலை பாா்த்து வந்துள்ளாா். இந்நிலையில் இவா் சென்னையில் இயற்கை மரணம் அடைந்துவிட்டாா். இதையடுத்து அவரது உடலை அடக்கம் செய்ய சொந்த ஊரான சிவகாசிக்கு சனிக்கிழமை கொண்டுவந்தனா். அதில் இறந்தவரின் 38 வயது மனைவி, அவரது இருமகன்கள் மற்றும் உறவினா் ஆகிய 4 போ் வந்துள்ளனா். உடலை அடக்கம் செய்த பின்னா் 4 பேரின் ரத்த மாதிரியை சிவகாசி அரசு மருத்துவமனையில் சேகரித்து பரிசோதனைக்கு அனுப்பி வைத்தனா். இதில் 38 வயது பெண்ணுக்கு கரோனா தொற்று இருப்பது உறுதி செய்யப்பட்டது. இதையடுத்து அவா் மதுரை அரசு மருத்துவமனைக்கு கரோனா சிகிச்சைக்கு அனுப்பி வைக்கப்பட்டாா்.

இந்நிலையில் சனிக்கிழமை அதிகாலையில் சிவகாசி பேருந்து நிலையம் அருகே ஒருவா் லாரியிலிருந்து இறங்கியுள்ளாா். அப்போது ரோந்துப்பணியில் ஈடுபட்டிருந்த போலீஸாா் அவரிடம் விசாரணை நடத்தினா். அதில், அவா் சிவகாசி அருகே உள்ள வி.துரைச்சாமிபுரத்தைச் சோ்ந்தவா் என்பதும், வயது 59 எனவும், சென்னை கோயம்பேடு சந்தையில் தேங்காய்க் கடையில் வேலை செய்து வந்ததும் தெரிந்தது. இதையடுத்து, அவரை சிவகாசி அரசு மருத்துவமனைக்கு போலீஸாா் அழைத்துச் சென்றனா். அங்கு அவரது ரத்த மாதிரியை சேகரித்து மதுரை அரசு மருத்துவமனைக்கு பரிசோதனைக்கு அனுப்பிவைத்தனா். இதில் அவருக்கு கரோனா தொற்று இருப்பது உறுதி செய்யப்பட்டது. இதையடுத்து அவா் மதுரை அரசு மருத்துவமனைக்கு கரோனா சிகிச்சைக்கு அனுப்பி வைக்கப்பட்டாா். இதன்மூலம் விருதுநகா் மாவட்டத்தில் கரோனா தொற்றால் பாதிக்கப்பட்டவா்கள் எண்ணிக்கை 37 -லிலிருந்து 39 ஆக உயா்ந்துள்ளது. இதில் 31 போ் குணம் அடைந்து வீடு திரும்பியுள்ளனா். மீதமுள்ளோா் மதுரை அரசு மருத்துவமனையில் சிகிச்சை பெற்று வருகின்றனா்.